LEGAZPI CITY – Haros dakol nang mga lunadan sa syudad nin Legazpi an bagsak sa random roadside inspection kan Anti-Smoke Belching Unit (ASBU).
Huli kaini, tinawan-doon ni Joric Corral Laborer 1 kan nasambit na opisina an importansya kan pagmamantenir kan lambang lunadan.
Segun saiya, dapat na pirming imantenir an mga makina kan mga lunadan siring kan jeepney, L300, asin mga pribadong kotse tanganing dai na magbagsak sa inspeksyon.
Kadaklan kaya su boot sa mga minabaragsak, itong maluya an maintenance asin may kalumaan naman.
An siisay mang driver na buminagsak, tatawan nin penalidad asin magabayad nin PHP2,000 sa first offense, PHP4,000 para sa second offense asin PHP6,000 para sa third offense.
En kaso man dae makabayad sa laog nin tulong aldaw, kaipuhan nang magtao nin demand letter sa city legal office.
Pigklaro man niya, dae sinda nagkukua nin lisensya o plate number kan behikulo sa mga mabagsak sa road inspection.