NAGAHILAK nga nagapangita sa iyang anak ang usa ka inahan gikan sa Barangay San Jose adlaw nga Lunes.
Sa paghinabi sa 89.5 Brigada News FM Gensan kay Sheena Latang sumala niini nga usa ka semana na sukad nilakaw ang iyang anak unya wala na nakauli sa ilang balay.
Ang rason daw nganong nilakaw si Jeurel, 15- anyos, kay magtrabaho, motabang sa ilang pamilya nga naglisod kay wala nay klarong trabaho ang ilang amahan.
Nananghid daw si Jeurel sa iyang inahan nga manarbaho aron makatabang sa ilang kalisod apan wala siya nisugot, wala lang siya kabantay nga nidayon diay sa paglakaw si Jeurel ug wala kini masayod kung asa na nakaabot sa pagpangita og trabaho.
Tungod niini naga panawagan ni Sheena sa kinsa mang nakakita sa iyang anak nga si Juerel, 15-anyos kamagulangang anak sa pamilya, ipahibalo lang kanila gumikan halos dili kini makatulog sa paghuna huna sa anak.
Sa may impormasyon mamahimo usab nga makapahibalo sa 89.5 Brigada News FM Gensan. ( Ever Diazon)