Nasakmitan og di mominus 10 ka gramos nga gituohang shabu ang usa ka inahan atol sa gipahigayon nga buy-bust operation pasado alas 11 kagabie sa at Sitio Riverside, Brgy. Lorega San Miguel, ning syudad sa Sugbo.
Ang dinakpan giila nga si Alyas Owing, 43 anyos , walay trabaho, adunay 7 ka mga anak og residente sa nahisgutang lugar.
Matud ni Alyas Owing, tuig kapin na siyang namaligya og illegal nga drugas isip paagi nga maka kwarta og makasustento sa mga panginahanglanon sa iyahang mga anak tungod kay dako siyag makuha nga porsyento gikan sa pagpamaligya niini.
Dakong pagmahay ang nabati ni Owing sanglit nasikop pud ang iyang bana sa lain nga kaso ug matod pa niya wala nay mo giya sa ilang mga anak nga nabyaan.
Gibana-bana nga 68,000 ka pesos nga kantidad sa gituohang illegal nga drugas ng nasakmit gikan sa dinakpan.
Kasamtangang anaa kini karun sa Parian Police Station ug mag-atubang og kasong kalapasan sa RA 9165.