May yara sang apat napatay sa bahin sang mga rebelding New Peoples Army nga na-engkwentro sang tropa sang gobyerno sa Sitio Tiyos, Brgy. Quintin Remo banwa sang Moises Padilla miyerkules sang hapon nga ginkamatay sang duha ka miembro sang Philippine Army kag pagkasamad sang apat ka iban pa.
Ini ang ginkunfirmar ni Major General Benedict Arevalo, Commander sang 3rd Infantry Division sang Philippine Army nakabase sa Jamindan, Capiz sandig sa informasyon nga iya nabaton halin mismo sa mga soldado sa ginluntaran sang engkwentro sang magpatigayon ang mga ini sang clearing operation kun sa diin madamo sang mga tinulo sang dugo sa lugar ang nakit-an ginapatihan iya sang mga rebeldi.
Dugang pa ni General Arevalo katuyu-an sang mga rebeldi sa lugar nga magsabwag sang kagamo pinaagi sa pagsablag sa ginapatigayon nga paghimo sang dalan.
Ginklaro ni Arevalo, indi chance encounter ang natabo kundi ‘deliberate operation’ ang ginhimo sang mga rebeldi sa lugar.