LEGAZPI CITY – Sinabi kan Philippine Statistics Authority (PSA) na kulang pa sa ngunyan an investment na naglalaog sa rehiyon na rason kun nata igwa pa nin nairerehistrong mga unemployed.
Ipinaliwanag ni PSA Bicol Regional Director Cynthia Perdiz na huli ini sa halangkaw na singil nin kuryente sa mga business establishment o commercial kumpara sa ibang lugar.
Huli kaini, halangkaw man su boot an numero kan under employment sa rehiyon, kun sain 27.7% o 684,000 katawo an dae kontento sa trabaho asin gusto pang dugangan an oras nin pagtrabaho.
Segun pa saiya, nag-oorolay naman an mga lideres kan National Economic and Development Authority nganing tawan nin aksyon an kakulangan sa investment tanganing magkaigwa nin mga trabaho asin mapababa unemployment rate.