Nagpaandam ro Iloilo Police Provincial Office (IPPO) sa mga biyahero nga nagapakita it fake reverse transcription-polymerase chain reaction (RT-PCR) test results ag iba pang mga dokumento.
Base kay IPPO director, Police Colonel Gilbert Gorero, paga arestuhon it pulisya ro mga maga eapas.
Madumduman nga umapela si Pangueong Rodrigo Duterte ku Lunes sa mga biyahero nga indi eon maggamit it fake RT-PCR test para maka eusot sa mga tourist destination.
Ginmanduan nana ro mga opisyal pati eonman ro Local Government Unit (LGU) nga arestuhon ro mga naga eabag.
Ro mga madakpan nga nag eapas hay igabutang sa idaeum it strict quarantine samtang ginaimbestigahan ag paga kasuhan it falsification of documents.
Samtang, panawagan it IPPO director sa publiko nga maging mas mapagpasensya sa pagpatuman it mga tikang agud mapunggan ro pagkalat it covid-19. / ANN DESLENE SALAZAR