Nahimo it Iloilo Police Provincial Office (IPP0) nga ma-neutralize ro 185 ka mga pugante sa sueod eamang it daywa ka buean nga uwa it pundo nga operasyon kuntra sa mga wanted persons.
Base sa kumpirmasyon ni IPPO director Police Colonel Adrian Acollador, ginatutukan nanda ro mga “most wanted persons” it Western Visayas.
Sa datos it taeatapan, halin Enero 9 hasta Marso 9, 45 sa kabiegan nga 185 wanted person nga naaresto hay kaeakip sa “top 10 most wanted men” sa rehiyon samtang 140 ro nagapangatubang sa mga kasong “minor.”
Maliban pa sa mga wanted person, nakadakop man ro IPPO it mga illegal drug and gambling personalities.
NAg-apela man si Acollador sa mga kandidato sa eleksyon nga pagasundon ro kasuguan ag regulasyon nga gintaeana it Commission on Elections sa pagpangampanya./JIL B. LACSON