Ginaduso ni City Councilor Rey Magallanes ang ordinansa nga pagahimuon nalang nga isa ka adlaw ang coding sang mga tricycle sa syudad sang Roxas kada semana.
Sa interview sang Brigada News FM Roxas City kay Councilor Magallanes, iya ginpahayag nga tinutuyo sang sini nga ordinansa nga mapalawig ang pagbyahe sang mga tricycle driver agud madugangan man ang ila income.
Suno kay Magallanes, ila ini gindihon bangud madamo sang mga estudyante kag mga empleyado ang nabudlayan sa tion sang rush hour tungod kulang ang mga tricycle nga naga-byahe sa syudad.
Dugang pa sini, isa sa mga rason sa iya pagduso sang ini nga ordinansa amo ang mapahagan-hagan ang mga colorum nga naga-pick up sang mga pasahero nga ginareklamo naman sang mga legit nga tricycle drivers.
Nagpanugyan naman si Magallanes sa drivers and operators nga magsunod gid sa mga ginapatuman nga ordinansa agud malikawan nga magbayad sang penalidad. | Judy Ann Juare