Naglabas na ng Red Notice ang INTERPOL laban kay dating Negros Oriental Rep. Arnolfo Teves Jr. kaugnay sa umano’y pagiging utak niya sa pagpatay kay Negros Oriental Gov. Roel Degamo.
Nakasulat red notice na may warrant siya sa mga kasong murder, frustrated murder, at attempted murder.
Akusado din si Teves sa tatlong kasong murder sa Negros Oriental noong 2019.
Nakasaad din dito na designated Terrorist si Teves ng Anti-Terrorism Council.
Sa huling monitoring ng Department of Justice nasa Timor Leste pa rin ang dating Kongresista.