Wala pang isang linggo bago kumalat sa social media ang video ng daga na pagala-gala sa kisame ng NAIA Terminal 3.
May bago na namang nakitang mas malaki pang bubwit na patakbo-takbo sa sahig malapit sa isang boarding gate ng terminal.
Kwento ng uploader ng video – may nagtitilian sa boarding counter ng paliparan at inakalang may celebrity na dumating pero ito pala’y daga.
Sa ngayon, wala pang pahayag ang Manila International Airport Authority (MIAA) hinggil sa bagong peste na namataan.
Una nang sinabi ni MIAA General Manager Eric Ines na hindi na mauulit ang mga serye ng peste sa paliparan.