Nauna ang celebrity couple na sina Iya Villania at Drew Arellano sa mga celebrities na nabakunahan para sa A4 vaccination launch, kung saan ay kabilang ang sektor ng media at entertainment.
Mismong si Health Secretary Francisco Duque ang nagturok ng bakuna kina Drew at Iya.
Sa Instagram stories ni Iya ay sinabi niya, “COVID-19 vaccinated…Well, first dose at least.”
Bukod sa kanilang dalawa, ay meron pang 50 representatives mula sa A4 category ang lumahok sa ceremonial A4 vaccination event ng gobyerno na ginawa sa Mall of Asia complex sa Pasay City.
Nakasama rin nila ang mga empelyado mula sa BPO industry, food delivery, government transport driver, security guard at sales clerk.