LEGAZPI CITY – Pig-anunsyar kan lokal na gobyerno kan Camalig na magkakaigwa nin umento o paglangkaw nin suweldo an mga job order employees.
Ini an pigheras ni Mayor Caloy Baldo sa paagi kan primerong flag-raising ceremony ngunyan na taon, kun sain hale sa aldawang suweldo na PHP320 magigin PHP365 na ini.
Mientras, epektibo an paglangkaw ngunyan na mismong bulan nin Enero.
Pig-enganyar man kan alkalde an gabos na pamayo kan kada departamento kan LGU na magsumiter kan saindang 2024 project proposal na nakatutok sa pagpauswag kan banwaan.