Hindi muna makakasali sina June Mar Fajardo at AJ Edu sa opening game ng Gilas Pilipinas sa unang window ng 2025 FIBA Asia Cup qualifiers, na nakatakdang magsimula ngayong linggo.
Kasalukuyan pa rin kasing pinapagaling ni Fajardo ang kanyang calf injury na kanyang natamo sa best-of-seven finals series ng San Miguel laban sa Magnolia sa PBA Commissioner’s Cup.
Samantala, may meniscus injury naman si Edu na kanyang natamo sa Japanese B. League.
Mawawala si Fajardo sa loob ng dalawang linggo habang si Edu ay nananatiling nagpapagaling at inaasahang hindi makakilos sa loob ng isa o dalawang buwan.