Nilinaw ni Commission on Higher Education (CHED) Chairman J. Prospero de Vera III na hindi niya ipinag-utos na itigil ang K-to-12 Program sa mga state universities at colleges.
Ayon kay de Vera, alinsunod ang kanyang memorandum nang inanunsyo ng Department of Education (DepEd) na ititigil nito ang Senior High School voucher.
Simula nang bawiin ng DepEd ang pondo para sa mga programa ng SHS sa SUCs, wala na aniyang kapasidad o pondo ang nasabing mga kolehiyo para patakbuhin ang mga nasabing programa.
Sa kabila nito, mayroon pa ring mga SUC na nagpasya na patakbuhin ang mga programa gamit ang kanilang mga badyet para sa mga kasalukuyang estudyante.
Samantala, pag-aaralan ng CHED ang posibilidad ng mga SUC na magpapatupad ng mga partikular na programa ng SHS bilang mga feeder school.
#