Pahiyom ang mianinag sa panagway sa mga kabataan nga dunay gihambin nga balatiang cancer sa House of Hope, Southern Philippines Medical Center, J.P. Laurel Ave, ning syudad sa Davao human sa Gift giving activity sa Brigada News FM Davao kagahapon sa hapon.
Atol sa maong aktibidad, gilingaw sa mga magicians ang mga bata lakip na ang mga ginikanan nga anaa sa House of hope, ug mas nahimong sadya atol sa pagtunol sa mga regalo ngadto sa mga bata.
Dunay mga dulaan ug nagkadaiyang pagkaon ang nadawat sa mga kabataan.
Samtang, natunol sab ang P15,000.00 nga cash nga gikan sa duha ka mga volunteers nga sila Emily Puerin nga mihatag sa singko mil pesos ug ang diyes mil pesos gikan sa wala nagpaila nga sponsor, ngadto sa kadumalahan sa House of hope.
Gipasalig hinoon sa Brigada Davao pinaagi ni Brigada Jun Digamon, ang station manager nga ang gift giving ipahigayon gihapon sunog tuig ug paningkamotan nga mas dakong kantidad ang malikom pinaagi sa Brigadahan alang sa mga kabataan nga dunay cancer.