Nabu-an ru sangka kaeapit-baeay matapos mag-angkon it mainit nga diskusyon dahil sa temporaryong gin pasaradong daean sa Purok 2 C. Laserna St., Kalibo, Aklan kahapon it hapon.
Sa report, nakilaea ru biktima nga si Arthur Anakan, sa legal nga edad samtang ru suspek hay nakilaeang si Jodel Dela Cruz, 29 anyos , tanan mga residente it nasambit nga lugar.
Naka angkon it tamat pagbuno sa alima ag likod ru biktima rason nga eaging gin daea sa hospital ag naga pabilin pang gina bueong.
Nasayuran nga mabuhay eon nga uwat pagka intindihan ru suspek ag biktima dahil sa hanueod nga daean paadto sa panimaeay it suspek.
Sa makaron, kulong sa Kalibo MPS ru suspek matapos boluntaryong mag surrender suspek sa PNP Station matapos bue-on it pamilya sa Brgy. Andagao, Kalibo ag maga pangatubang it naga kaigo nga kaso.//MARIVIC Y. ILIN