GIANGKON sa labaw sa General Santos City Health Office nga hagit kanila ang makakuha og dugang alokasyon sa bakuna kontra Covid-19. Kini dungan sa nagkadaghang nagpalista nga senior citizens aron makapabakuna batok sa virus.
Matud ni Dr. Rochelle Oco, acting head sa CHO rason sa pagdaghan sa senior citizen nga buot magpabakuna ang tungod sa nakita nilang walay ‘adverse event’ nga nasinatian ang mga senior citizens nga una nang nagpabakuna gamit ang Sinovac. Naglaom si Oco nga sa pag-abot alokasyon sa bakuna sa rehiyon-12 subling mahatagan ang GenSan. Kahibaloan nga naa sa 28,138 ang kinatibuk-ang elderly population sa GenSan naa sa 18,000 ang eligible recipient sa bakuna. Samtang naa lang sa 1,081 ang senior citizen ang nabakuna gikan sa gihatag nga 1,208 vials sa Sinovac. ( Rich Gubalani)