Nag umpisa eon nga ipatupad it Kalibo MPS ro pagmonitor sa mga bar, videoke, disco ag iba pang kaparehung establisyemento iya sa banwa it Kalibo.
Hugot man nga ginpatupad ro curfew para sa mga menor de edad umpisa alas 10 it gabii hasta alas 4 it kaaganhun.
Raya hay base sa guidelines nga nakabaehag sa Executive Order No. 026 Series of 2022 it lokal nga gobyerno it Kalibo.
Ginpasiguro man it Kalibo PNP nga pagasundon rayang patakaran para mapabilin ro katawhayan sa banwa it Kalibo. / ANN DESLENE SALAZAR