Nagbatun ro Kalibo Municipal Police Station it Certificate of Recognition bilang isaea sa Best Municipal Police Station.
Raya hay para sa pag-implementa it Best Practices bilang suporta sa Community-Service Oriented Policing System sa Rehiyon 6 sa ginpatigayun nga 56th Anniversary Celebration it National Police Commission sa Iloilo City kaeakip si Atty. Joseph R. Celis, Regional Director, NAPOLCOM.
Ro kadaeag-an ngara hay naga saeaming sa mga personnel it Kalibo MPS nga matuod nga nagaubra it andang mga obligasyon ag responsibilidad bilang tagapagpatuman it laye it komunidad. / ANN DESLENE SALAZAR