Uman nga ginpamatud-an it Kalibo ro promisa kara nga tapnaon ro illegal nga droga sa nasambit nga banwa.
Raya hay matapos ro ginpatigayun nga 49th deliberation it Regional Oversight Committee on Barangay Drug Clearing (ROCBDC).
Ro komite nga ginpangunahan ni PLTCOL RICKY E BONTOGON OIC, kaeakip si MLGOOOVI Mam Ava Meriam Seraspe halin sa Department of the Interior and Local Government (DILG) Kalibo, Sangguniang Bayan Member Ronald Marte, ag Punong Barangay Niel I Candelario, hay ginkilaea ag gindayaw ro banwa it Kalibo para sa accomplishments kara nga mapabilin nga drug-free community.
Sa ginpatigayun nga deliberasyon, ginhayag nga pilang barangay sa Kalibo ro madinaeag-on nga napabilin ro andang drug cleared status.
Ro nasambit nga accomplishment hay ginselyuhan pinaagi it pag isyu it Certificate of No Active Drug Personality and Resolution, nga nagapatibay sa dedikasyon it munisipyo sa pagsiguro sa safety it mga residente.
Ro pagbueoligan it nagkasari-sari nga local government units, law enforcement agencies, ag community stakeholders ro naging yabi sa kadaeag-an it Munisipyo it Kalibo sa pagtapna sa problema sa droga. // ANN DESLENE SALAZAR