Naga hueat lang it advisory si Kalibo Barangay Capt Niel Candelario halin sa lokal ng pamunu-an it Kalibo para sa comemorasyon it fiesta minatay.
Suno kay Punong Barangay Niel Candelario sa BRIGADA News FM Kalibo, sambilog sa mga gin talakay it Liga ng mga Barangay hay ru mga sueondanan sa All Saint’s Day ag Souls Day.
Gin kombensi man ni Candelario ru publiko nga mag temprano sa pag bisita sa sementeryo agud malikawan ru pagsiksikan sa oras it November 1-2.
Samtang, gin planuhan man eon it Poblacion Kalibo Barangay Council ru force multiplier augmentation.//MARIVIC Y. ILIN