Nagtao it reaksyon si Kalibo SB member Raymar Rebaldo angot sa pila ka mga poste nga nagatindog sa haeos tunga eon it karsada.
Raya hay kaangot sa sangka Toyota Wigo nga naaksidente matapos sumunggab sa kongkretong poste sa kilid it national highway sa Brgy. Colong-Colong, Ibajay, Aklan kaina eang nga hapon.
Suno kay Rebaldo, bilang dating empleyado it Aklan Electric Cooperative (AKELCO), bukon it makarun kadali ro pagbuoe o pag-relocate it mga poste bangud kung magpatay it linya hay maabu segun kara ro shortage it Akelco bangud mapundo ro andang serbisyo sa mga konsumidor.
Kinhangean pa segun nga sumahon it Akelco kung mauno it buhay nga maduea ro andang serbisyo agud makabutang sanda it charges sa mga naga request para ire-locate ro sangka poste.
Dapat segun kay SB Rebaldo nga may koordinasyon sa tunga it DPWH ag Akelco kung anyo ro proyekto nga poste bago raya sementehon bangud delikado segun nga mayad kung basta eang ipatukod sa karsada kapin hay owa man it reflector.
Kabay pa segun kay Rebaldo nga indi eon paghueaton nga may mga madisgrasya pa bangud sa mga poste nga owa naplastar sa ensaktong lugar. // ANN DESLENE SALAZAR