Dapat ikonsidera ang kalusugan at kaligtasan ng mga estudyante, guro at mga non-teaching personnel bago magdesisyon sa muling pagpasok ng mga estudyante sa mga paaralan. Ito ang naging pahayag ni Senador Bong Go kaugnay sa usapin ng pagbabalik ng face-to-face classes.
Ayon kay Go nauunawaan niya ang mga hamon na kinakaharap lalo na ng mga mahihirap na estudyante para lamang makasabay sa blended learning set-up subalit kailangan din isa-alang-alang ang kapakanan ng lahat sa mga eskwelahan.
![](https://i0.wp.com/brigadanews.ph/wp-content/uploads/2021/05/8-1024x1024.jpg?resize=1024%2C1024&ssl=1)
Sinabi ni Go na para sa kanya hindi kailangan magmadali at bigyan ngkonting panahon ang mga guro lalo’t mahirap umano kapag meron nagpositibo na isang guro o estudyante dahil naka-focus ngayon ang pamahalaan sa pagbabakuna.
Dagdag pa ng Senador hanga’t hindi pa nababakunahan ang mayorya ng populasyon sa Pilipinas ay hindi siya pabor na ibalik ang face-to-face classes. Iginiit naman ni Go na hindi dapat makompromiso ang edukasyon ng mga mag-aaral kasabay ng panawagan sa DepEd at ibang mga ahensiya na gumawa ng paraan para mapaganda pa ang sistema sa blended learning.