GIHULAT sa Department of Interior and Local Government (DILG) sa Sarangani ang guidelines kalabut sa pagbalik sa resume peace negotiations tali sa gobyerno ug National Democratic Front (NDF).
Matud ni Samuel Camaganacan, Provincial director sa DILG-Sarangani, gihulat nila ang manduan ug kung dunay bag-ong polisiya nga ipatuman kalabut sa subling paghisgotan sa pangkalinaw.
Dugang niini, luyo sa pag-resume sa peace talks padayon ang Task Force to End Local Communist Armed Conflict (NTF-ELCAC) sa mga munisipyo sa paghatag og programa aron awhagon ang mga miyembro nga mokanaog. Sa probinsiya, gatusan na ka gituohang miyembro sa NPA ang mibalik sa sabakan sa gobyerno. Una nang, gibutyag ni DILG Secretary Benjamin Abalos nga ang lakang integral ug active role sa “whole-of-government” isip kabahin sa peace agenda Marco’s administration. Ang desisyon sa pagbalik sa formal peace talks sa gobyerno ang human sa unom katuig. I Richel Gubalani