Nasikop sa kapolisan ang kanhi na preso sa kasong paghupot sa illegal nga drugas pasado sa alas 9 kagahapon sa buntag sa San Juan Baybay Brgy. 6 San Carlos City Negros Occidental.
Naila sa kapolisan nga usa ka 36 anyos, ulitawo, walay trabaho, residente sa nasampit na lugar.
Nakuha gikan sa possesion sa 36 anyos nga lalaki ang upat ka sachet sa gidudahang shabu lakip ang buybust item, usa ka inablihan nga plastic sachet ug 300 pesos buybust money.
Sa pakighinabi sa Brigada News Team kang PMAJ Ryan Villasario nga mga tuig na nilang gimonitor kining 36 anyos nga kanhi na preso sa susamang kaso.
Sa karon detinado na sa Custodial Facility sa San Carlos City Police Station ang dinakpan ug mag-atubang sa kasong kalapasan sa R.A. 9165 kon Comprehensive Dangerous Drugs Act of 2002.