TAKDANG ipakatag ang kinatibuk-ang 1,000 ka security personnel dungan sa weeklong nga selebrasyon sa Kalilangan Festival.
Matud ni Police Lt. Col. Aldrin Gonzales, deputy city director for operation sa GenSan City Police Office (GSCPO), naplantsa na nila ang ipatuman nga seguridad. Asa gawas kanila naa usab mga personahe sa gikan sa Task- Force GenSan, Philippine Coast Guard (PCG), Bureau of Fire Protection (BFP) ug ubang force multiplier.
Kini isip pagpangandam sa gilaomang dagsa sa mga katawhan dungan sa mga dagkong event nga himoon sa Oval Plaza ug Pioneer Avenue. Lakip na ang ipatum nga mga re-routing sa kadalanan asa himoon ang mga aktibidad. Hugot gibawal ang pagpasulod og backpack sa mga venue sa event, kalo ug pagpasulod og unsa mang hinagiban. I Richel Gubalani