Kinatibuk-man P137, 422,500 ang gi-alokar nga budget alang sa mga beneficiaries sa cash for work karong tuiga.
Sumala ni Karen C. Gayonan, Project Development Officer 3 sa Department of Social Welfare and Development (DSWD) XI nga sa kasamtangan, padayon pa ang ilang pang apod apod sa cash for work ngadto sa mga benepisyaryo.
Sa kinatibuk-ang 31, 375 beneficiaries sa tibyok tuig sa 2023, naserbisyuhan na sa DSWD ang 16,749 ka mga benepisyaryo.
Dugang pa ni Gayonan nga dunay gigahin nga napulo ka adlaw para mutrabaho ang mga beneficiaries diin matag adlaw makadawat kini og P438.00 o P4,380 sulod sa napulo ka adlaw.
Samtang, gipaklaro sa opisyal nga gamiton sa sakto ang ilang madawat nga sweldo sa ilang hinagoan og dili isugal.
Matag tuig, lahi lahi nga pamilya ang maka-avail sa maong opurtunidad.
Makaapil lamang niini mao kadtong mas nanginahanglan sama sa: PWDs nga makahimo pa sa pagtrabaho, Senior Citizens diin tagaan lamang silag gaan nga trabahoon, solo parents, rebel returnees, ug 4Ps beneficiaries apan mas gi-una sa ahensiya sa pagkakaron kadtong wala gyud kadawat sa serbisyo (ayuda) gikan sa gobyerno.