KAPIN tunga sa Milyon kantidad sa gituohang shabu ang nasakmit gikan sa usa ka top 4 City level High Value Individual atol sa gikasang drug buy bust operation sa mga gingsakpan sa Maa Police Station sa Purok 17 Datu Loho St. Brgy. Ma-a, ning dakbayan sa Davao, Lunes sa gabii.
Ang suspek giilang si Karren Cuyab Lauron alias “Madam”, 29 anyos, utility worker, dalaga ug residente sa Purok 1 Mabini St. Brgy. 37-D Boulevard, ning syudad.
Nagkadaiyang gidak-on sa pakete sa gituohang shabu ang nakompiska gikan sa suspek nga anaa sa kapin kon kulang 90.01 gramos nga gibana-banaan nga dunay street value nga PHP 612,068.00.
Kasamtangan, gihikay na ang mga dokumento alang sa pagpasaka og kasong maykalabotan sa ilegal nga droga batok sa dinakpan.