Malaumon ang Cagayan de Oro City Police Office nga magpadayon ang partisipasyon ug kooperasyon sa katawhan sa pakigbatok sa kriminalidad dinhe sa syudad dungan sa pagsugod sa bag-ong tuig 2022.
Gibutyag ni COCPO Spokesperson Police Major Evan Viñas nga bililhon kaayo ang partisipasyon sa katawhan dili lang sa pakigbatok sa kriminalidad kundi lakip sa pakigbatok sa pandemya nga dala sa COVID-19.
Mipasalig sab ang kapolisan nga magpadayon ang paghatag nila sa seguridad sa tanang komunidad aron mapabilin ang peace and order situation.
Makalaom sab ang katawhan sa kapolisan abag ang ubang law enforcement unit nga palamboon pa nila ang ilang serbisyo.