‘COMMITTED’ ang kapulisan sa Maitum, Sarangani Province nga ipadayon ang pagprotekta sa kinaiyahan. Human nalakip ang Pilipinas sa listahan isip usa sa deadliest countries for land and environmental defenders in the world atong 2020.
Matud ni Police Major Bernard Francia Jr., hepe sa Maitum Municipal Police Station, kauban ang Community Environment and Natural Resources Office (CENRO) sa lugar, hugot ang ilang pagpatuman sa balaud kalabut sa kinaiyahan.
Tumong masiguro nga maprotektahan ang natural resources sa lugar ug kini ang mapreserba. Ang maong pamahayag usab sa opisyal ang dungan sa pagkakumpiska kapulisan sa milyong kantidad luaan nga kahoy.
Ang trak nga nagkarga sa maong mga kahoy gikan sa Barangay Butril, Palimbang Sultan Kudarat ug padulong sa GenSan, dihang nababagan sa checkpoint sa Maitum. Gikasuhan na usab ang drayber sa trak, samtang giimbestigahan kung kinsa ang tag-iya sa maong mga kahoy. I Richel Gubalani