GIBANTAYAN sa kapulisan ang posibleng pagpapili sa opisyal sa barangay sa taliabot nga Barangay ug Sangguniang Kabataan Election (BSKE) nga gidudahang dunay kalambigitan sa gidiling droga.
Kauban ang Philippine Drug Enforcement Agency (PDEA) naghimo sila karon og ‘close monitoring’ sa posibilidad nga pagkalambigit sa opisyal sa barangay sa gidiling droga.
Gilayon nga ikasa sa kapulisan ang operasyon ugaling makakuha og ebidensiya ang kapulisan batok sa opisyal sa barangay, kini ang bahad ni Brig. Gen. Jimili Macaraeg, director sa Police Regional Office (PRO)12. Apan sa karon, butyag ni Macaraeg nga sila’y nabantayan nga lambigit sa gidiling droga sa buot mopapili sa bske.
Dugang ni Macaraeg, lakip usab sa gibantayan ang miyembro drug syndicates nga gamiton sa pagpanghadlok ug pagpamalit og boto. Abril 30, 2018, gipresenta sa PDEA sa kaulohan, drug list unod ang pangalan sa barangay officials nga gituohang lambigit sa gidiling droga. Ang maong listahan ang gilangkuban sa 200 ka pangalan sa mga opisyal sa barangay sa nasud.
Sa rehiyon-12, pipila ka incumbent ug kanhi opisyal sa barangay ang nasikop dungan sa gilusad nga operasyon batok gidiling droga. I Richel Gubalani