GISUGDAN na sa kapulisan ang pagpangandam sa seguridad sa taliabot nga Semana Santa ug summer vacation, butyag ni Police Lt.Col. Rexor Jake Canoy,tigpamaba sa GenSan City Police Office (GSCPO).
Matud ni Canoy, nagsugod na sila og pulong aron mangandam sa seguridad sa siyudad sa maong panahon. Dugang niini ang seguridad ang giplansa na nila alang sa Oplan Semana santa ug sa tibuok summer vacation. Gitakda usab ogmang adlawa ang coordination meeting tali sa kapulisan, Task Force- GenSan, Philippine Coast Guard ug LGU.
Diri masuta kung pila ang kinahanglang ihap sa police officer nga ipakatag nga makatutuk sa simbahan, terminal, airport, pantalan ug ubang major thoroughfares ug tourist destinations. Sama kaniadto magbutang usab ang kapulisan ug police assistance desks ug mga pagpatrolya sa siimbahan ug ubang areas of convergence. Ang semana santa, magsugod sunod semana samtang ang oplan sumvac ang sagad gasugod sa Abril 1 hangtud na sa Mayo 31. I Richel Gubalani