NAGPABILIN ang kapulisan sa ilahang mga designated area sa Oval plaza bisan paman nga nahuman na ang duha ka semana nga Paskuhan sa Gensan kini aron masiguro ang kaluwasan sa mga tawo nga nagasuroy.
Matud ni PCol. Nicomedes Olaivair Jr. City Director sa General Santos City Police Office kun GSCPO pabilin nga magbantay ang otoridad sa nahisgotang lugar hangtod sa bag-ong tuig. Padayon sab nga gibawal sa Oval plaza ang pagdala og mga hinagiban, armas, ilimnong makahubog ug bag pack.
Nagpabilin sa red-alert ang GSCPO tungod gilikayan ang pagsulod sa mga indibidwal nga adunay daotang tumong sa dakbayan. Nag-awhag ang kapulisan sa publiko nga makig-alayon sa otoridad ug gilayon isumbong ang unsa mang kadudahang butang nga mamatikdan sa palibot. I Enamie Mogpon