SUBLING nagpahimangno ang cybercrime expert sa publiko batok sa gitawag nga ‘romance scam’, asa tungod sa pagtuo nga gihigugma sila apan nawad-an hinoon og salapi ang biktima. Matud ni PCol. Elmer Mora, Regional Chief sa Anti-Cybercrime unit sa Soccsksargen region, gina-profile na sa scammers ang ilang biktima.
Bag-o paman kini mokontak ug mokontak kini pinaagi sa social media sites ug duna usab uban sa dating apps.
“Etong romance scam eto yung malaki- laki ang nakukuha kung sino yung mag-accept ng request liligawan ka,bobolahin ka hanggang makakuha ng pera at biglang kang iba-block,”asoy ni Mora.
Ang maong klase sa scam ang mas nauso atong pandemya asa sagad sa mga tawo ang online. Sagad ginasulti sa mga scammers sa biktima mao ang pagkatanggong sa ilang gidala nga salapi o alahas sa Bureau of Customs (BOC). Kinahanglan kini og P100,000 aron makuha ang salapi aron makasugod na sila sa karelasyon og kinabuhi sa nasud.
Pagnapadala na ang salapi gikan sa karelasyon, kalit na lang kining iblock ug didto na lang nagmata nga nabiktima na kin isa scam. Giangkon ni Mora nga usa sa hagit kanila ang pagkumbinsi sa biktima sa pagpasaka og kaso tungod ang biktima ang nahigugma na. I Richel Gubalani
Photo by iStock