NATALA ning siyudad sa Cagayan de Oro ang una nga kaso Covid-19 Omicron Variant kagahapong adlawa.
Kini ang gikumpirma ni Department of Health Region -10 Regional Director Dr. Jose Llacuna Jr. sa gipahigayong press briefing sa DOH.
Sa impormasyon usab nga gipagula ni (RESDRU) Regional Epidemiology, Surveillance and Disaster Response Unit 10 Cluster Head Dr. Stephanie Grace Zamora diin ikaduha sa Iligan City ang dakbayan sa Cagayan sa adunay natala nga Omicron variant sa rehiyon.
Ang nataptan sa maong variant usa ka College Student nga taga Brgy. 1 ning siyudad kung asa nag gikan sa Las Vegas, USA nga miabot sa nasud niadtong Disyembre 22 sa mi-aging tuig.
Samtang karon naka isolate pa sa Manila Prince Hotel ang maong babaye nga gahulat pa sa iyahang re-swabbing diin naka recover na sa virus og giingong asymptomatic– END –