Nagdangat na sa 879 ang kabilugan nga kaso sang balatian nga dengue sa probinsya sang Capiz, sumugod Enero 1 tubtob Disyembre 23, 2023.
Sandig ini sa ginpahuwa nga Provincial Dengue Case Bulletin sang PHO, kun sa diin 13 diri ang panibag-o nga kaso.
Samtang, nagapabilin naman sa 4 ang ginbawian sang kabuhi bangud sa amo nga balatian.
Siyam diri ang nagikan sa Roxas City 9; tig-isa sa Mambusao; Panitan; President Roxas; kag Sigma.
Ginpaidalom naman sa clustering ang kabarangayanan sang Ilaya-Ivisan sa banwa sang Ivisan; Bolo; Tiza; Lawa-an; Dayao; Banica sa Roxas City.
Panugyan naman sang Provincial Health Office sa publiko nga pabilinon nga matinlo ang palibot agud malikawan ang pagduging sang lamok nga nagadala sang balatian nga dengue. | Judy Ann Juare