Kinumpirma ng Department of Labor and Employment Region 2 na karamihan sa kanilang natatanggap na reklamo ay mga empleyadong hindi nakatatanggap ng separation pay.
Ito ang inihayag ni DOLE Regional Information Officer John Mark Narag sa naging panayam ng 92.9 Brigada News FM Cauayan.
Aniya, bagaman wala pa sila natatanggap na pormal na reklamo hinggil sa hindi tamang pagpapasahod ay marami naman umano ang dumudulog sa kanilang tanggapan na mga hindi nakatanggap ng separation pay.
Agad namang tinutugunan ito ng DOLE sa pamamagitan nf Single Entry Approach o SENA kung saan nagkakaroon ng pag-uusap sa pagitan ng employer at complainant.
Naayos naman umano ito sa pag-uusap ngunit kung hindi masosolusyunan at aabot na sa kasuhan ay itataas na ng DOLE sa National Labor Relations Commissions ang reklamo.
Hinikayat naman ni Information Officer Narag ang mga nakararanas ng hindi tamang pasahod o iba pang problema sa kanilang mga employer na tumawag laman sa kanilang hotline.
Kaugnay dito ay maaaring makausap ng mga complainant ang Technical Service and Support Division ng ahensya sa numerong 0917-806-8685 o 0917-808-2819. Maaari din aniyang personal na magsadya ang mga ito sa pinakamalapit na opisina ng DOLE sa bawat probinsya.
Sugatan ang isang fish dealer at pahinante nito habang nakaligtas ang driver ng trak nang…
Naniniwala si Department of Agriculture Secretary Kiko Tiu-Laurel Jr. na makababawi ang Pilipinas sa produksyon…
Nasa pasilidad na ngayon ng Bureau of Corrections (BuCor) sina Deniece Cornejo at Simeon Raz.…
Hindi sinunod ng China ang utos ng Pilipinas na alisin ang kanilang barko sa teritoryong…
Nilinaw ni Senate Special Committee on Maritime and Admiralty Zones, Chairperson, Senador Francis Tolentino na…
Narekober noong Martes ng pinagsanib na puwersa ng Mobile Community Support Sustainment Team (MCSST) ng…