Nagpabalhag sa Roxas Component City Police Station ang isa ka negosyante matapos ginaalegar ginsulod sang wala makilala nga kawatan ang iya ginapanag-iyahan nga Korean Restaurant sa Brgy. XI, Roxas City.
Ginkilala ang biktima kay alyas Wena, 48-anyos, residente sang Brgy. Hipona, Pontevedra apang temporaryo nga nagapuyo sa Brgy. Baybay, Roxas City.
Sandig sa ginpabalhag sang biktima, sang siya ang nag-abot sa iya restaurant takna alas 8:30 kahapon sang aga, Dominggo, Disyembre 17 nadiskubrehan sini nga wasak na ang window glass sang iya resto kag didto nahibaluan nga wala na sa sulod sang refrigerator ang mas o menus 42-kilos nga karne sang baboy nga nagabalor sang P14,000.
Ginpakamaayo nalang sang biktima nga ipa-record sa mga kapulisan ang natabo kag gilayon naman nga ginpadulungan sang SOCO para imbestigahan ang lugar. | Judy Ann Juare