Gisupalpal sa Philippine Sports Commission pinaagi ni Commissioner Charles Raymond Maxey ang pagsaway sa mga kritiko nga napakyas ang gobyerno sa paghatag og saktong supurta sa mga atleta nga nakigtigi karon sa 2020 Tokyo Olympic nunot usab sa kadaugan ni Hidilyn DIaz ug bulawang medalya sa weightlifting.
Sumala sa Dabawenyong si Maxey atol sa virtual press conference kagahapon, kanunay ang paghatag og suporta sa pinansyal nga aspeto sama sa monthly allowances ug training funds busa walay basehan ang gipasiatab sa oposisyon nga nagkulang ang gobyerno.
Gitino usab ni Maxey nag nagbase sa nanglabay nga performance ang pagtagana og supurta kung diin sa tanang atleta si Hidilyn Diaz ang dunay pinakadakong allowance nunot sa iyang performance sa Rio Olympics nga milabni og silver medal.
Bisan matud pa panahon sa pandemya gipangkamutan sa PSC nga mahatag ang tanang panginahanglanon sa mga atleta luyo sa limitadong pondo sa ahensya.
Gihingusgan ni Maxey nga angay lamang ilhon ang grabeng paningkamot ug sakripisyo ug wala nay uban nga hatagan og “credit” niini. BNFM-Davao
