GIPABORAN sa labaw sa City Permit Division ang kausaban nga gihimo sa Executive Order 25 gumikan sa daghang reklamo og hangyo nga iyang nadawat milabay nga semana.
Sa paghinabi sa 89.5 Brigada News FM GeSsan kay Licensing Officer 4 Geraldine Zamora gipaboran niini ang mga kausaban sama sa pag-abli sa department stores ug uban pang establishments nga wala man kayo nagadasuk ang mga tawo.
Sa milabay nga semana, gibaha usab kini og mga reklamo gikan sa mga negosyante adunay nagahangyo, adunay nasuko ug aduna usab nagapakilouy nga maka-abli sa ilang pwesto.
Sa ulahing inspection sa permit division sa Barangay Fatima may nakita silang billard hall nga naga-operate bisan anaa sa GCQ status ang syudad mao nga ilang gipahimangnuan ang tag-iya nga i-undang una ang padula.
Samtang nanagan usab ang mga players nga nagadula sa tulo ka lamesa sa bilyaran. Tungod niini naga hangyo nalang si Zamora sa mga establishments nga sundon nalang ang health protocol aron wala nay rason aron nga magsirado og balik. ( Ever Diazon)