LEGAZPI CITY – Nasa labi 10 mga behikulo sa Rizal Street, Brgy. Cabangan, Legazpi City an buminagsak sa sinagibong Random Roadside Inspection kan mga miyembros nin Anti-Smoke Belching Unit kan Office of the City Environment and Natural Resources (OCENR).
Segun kay Joric Corral Laborer 1, obheto kan sinagibong inspeksyon na hilingon o i-check kun mantenidong nasa kondisyon o mayong maitom na aso sa tambutso an nagluluwas sa mga behikulo.
Dai dapat su boot magsobra sa 2.5 an grado kan behikulo tanganing pumasar sa nasambit na inspeksyon.
Sa oras na sumobra an grado kan behikulo, pwedesir magkaigwa nin bayolasyon an sarong driver asin papatawan nin penalidad na PHP2,000 sundo PHP6,000.
Mientrastanto, katuwang kan syudad an EMB, Bantay Bata asin PSO sa pag-inspeksyon kan mga behikulo.
Kun magigiromduman, kan Pebrero 16 nagsagibo man nin inspeksyon sa mga behikulo an unit sa kahalabaan kan Brgy. Arimbay kan kaparehong syudad kun saen sa 16 na lunadan, walo digdi an buminagsak asin walo man an pasado.