LEGAZPI CITY – Matrayumpong naisagibo kan Police Regional Office 5 an Stiletto Run kasoodma sa laog kan Camp General Simeon Ola sa syudad nin Legazpi katakod kan pagseselebrar sa Women’s Month ngunyan na bulan nin Marso.
Segun kay PNP Bicol Regional Director PBGen. Andrei Perez Dizon, pinagpartisiparan ini kan 27 mga lalaking pulis sa rehiyon.
An mga ini nakasulot nin pambabae asin nagdaralagan mantang naka-heels pasiring sa grandstand kan kampo.
Tinawan-doon kaini, bako karaw-karaw an pagigin babae na igwang ginagampanan sa pamilya asin kinakaipohan magtrabaho tanganing buhayon ini.
Sinabi pa ni Dizon, pigbibisto ngunyan an kakayanan kan mga babae, equal opportunity asin gender equality na kaibahan sa adbokasiya kan PNP.
Napatunayan man su boot na an mga kababaihan, epektibo sa pagseserbisyo-publiko.
Magpuon su boot sa chief of police, provincial director, regional staff asin iba pang posisyon, an mga kababaihan pinagtatawan man nin oportunidad.