LEGAZPI CITY – Nakapagkondusir an Social Security System (SSS) nin nasa labi 200 na ‘SSS E-Wheels project’ sa bilog na rehiyong Bicol.
Segun kay SSS Public Information Officer, Jeanette Mapa, sa irarom kan programa uminabot sa labi 10,000 an kabilugan na nairehistrong transaksyon mantang nasa labi 9,000 an gabos na residente kan rehiyon na napagserbihan.
Mientrastanto, magkapira sa pig-opresir na serbisyo sa paagi kan mobile booth iyo an,pagtatao nin asistensya sa mga myembro sa pag-access kan saindang account, pag-isyu nin SS number dugang pa an payment reference number, kasarabay na man an MySSS registration asin password resetting.
Tinawan-duon ni Mapa na padagos an pagsagibo ninda ki siring na programa nganing matabangan o mairani an serbisyo pasisiring sa manlaen-laeng lugar orog na sa mga far-flung areas.