LEGAZPI CITY – Nakatalaan na kompletuhon kan gobyerno probinsyal kan Albay an game plan para sa Bicol International Airport (BIA) phase 2 expansion.
Kinumpirmar ini kan Provincial Planning and Development Office (PPDO) asin preparado su boot an gobyerno probinsyal para digdi.
Segun sa PPDO, nagkaigwa na nin pag-orolay an mga komitiba kaibahan an ngakapirang mga departamento para sa game plan sa maabot na semana.
Para subuot sa phase 2 expansion kan nasambit na eropuerto, na-identify ninda na igwa ki 43 mga kaharongan sa Brgy. Burgos, Daraga an posibleng maaapektaran kan expansion.
Kun magigirumduman, sa enot na isinagibong expansion, naapektaran an dakol na mga household sa Brgy. Alobo asin Brgy. Gapo, pati man sa Brgy. Del Rosario sa Camalig, kun sain nagkaigwa nin existing resettlement areas para sa mga apektadong pamilya.