LEGAZPI CITY – Kinumpirmar kan Philippine National Police (PNP) Bicol na uminabot sa labi 5,000 o kabilugang numero na 5,275 na mga kapulisan an pinag-deploy sa manlain-laing mga lugar sa bilog na rehiyon katakod kan pag-obserbar kan undas.
Sa intrevista kan Brigada News FM Legazpi kay PNP Bicol Regional Spokesperson PLt. Col. Malu Calubaquib, sinabi niya na an mga ini nakataltag sa manlain-laing mga kampo santo, simbahan, worship places, mga merkado, malls asin mga commercial areas sa rehiyon.
Apwera digdi, segun sa opisyal, may mga pigtaltag man sa mga bus terminal, trains, seaports, airports, asin iba pa nganing syertuhon an seguridad asin kaayusan kan mga tawo.
Pigsyerto man ni Calubaquib, wara sindang nairekord na anuman na undas-related incident.