LEGAZPI CITY – Nakaresibi nin mga hygiene asin wash kits hale sa Good Neighbors International Philippines (GNIP) an nasa 908 na mga pamilyang bakwit kan Bulkang Mayon na kumpwesto nin 3,287 na katawo hale sa banwaan kan Malilipot, Albay.
Hale an mga ini sa mga barangay kan Calbayog, San Roque asin Canaway na laog pa sa 6 kilometer radius permanent danger zone.
An mga ini 3 bulan nang nagtitiner sa evacuation centers dahil sa padagos na pag-aalburuto kan bulkan na nagpuon pa kan Hunyo.
Kun magigirumduman, enot nang nagbisita ang GNIP sa probinsya nganing magkondusri nin assessment para sa mga nagangaipuhan kan mga bakwit.
Kaibahan digdi an pagigin bukas kan nasambit na grupo na magtabang sa pigsasagibong evacuation recovery efforts kan gobyerno-probinsyal.