Nagtuo ang pinakadako nga pederasyon sa sektor sa mga mamumuo sa nasod nga dakong tabang ang 765 pesos nga minimum wage increase aron matubag ang kagutom labi na karon nga migawas sa usa ka survey nga adunay pagtaas 11.8% ang hunger rate ng Pilipinas niadtong December 2021.
Gibutyag ni Trade Union Congress of the Philippines Spokesperson Alan Tanjusay nga karong adlawa iduso nila ngadto sa buhatan sa Regional Tripartite wages and productivity Board Region 10 Office ang petisyon nga dugang 400 pesos sa kasamtangan nga 365 pesos nga minimum wage sa Northern Mindanao.
Dugang niini nga ugaling ma-aprubahan sa wage board ang ilang petisyon, dakong kaabag na kini alang sa katawhan sa pang-adlaw-adlaw nga panginahanglanon labi na sa nagpadayon nga pagtaas sa presyo sa produktong petrolyo ug mga palaliton.
Naglaom ang TUCP nga unta pagka-human sa pagduso sa petisyon, ug pakig-konsulta sa wage board sa mga negosyante, mapagawas gilayon ang wage increase order.
Mi-apelar sab si Tanjusay sa business sector nga unta masabtan ang ilang petisyon.