Landig sa balay tambalanan ang usa ka lalaki human kini naka angkon ug samad pinusilan sa iyang nawong nga bahin nga nahitabo niadtong nakalabayng adlaw didto sa Bulangan Esperanza Road., Curbada, Poblacion, syudad sa Bayugan, Agusan del Sur.
Giila ang biktima nga si Noel Jr Langanlangan Labitad, 35-anyos residente sa Purok 2 Ampayon ning syudad sa Butuan.
Matud pa sa mga nakakita gikan ang maong biktima sulod sa bulangan sa dihang pagawas na kini sa maong area, duna matud pay nidool kaniya ug kalit pusil sa nawong nga bahin. Tungod sa samad nga naangkon sa biktima hagba gilayon ang maong lalaki rason nga daling gidala sa balay tambalanan.
Samtang ang suspek ang miikyas gilayon sa wala matino nga deriksyon. Sa pagkakaron padayon pa ang gihimong imbestigasyon sa posibleng rason sa pagpamusil ngadto na sa biktima.
-END-