LEGAZPI CITY – Arestado an 49 anyos na lalaki sa Purok 7, Brgy. San Francisco, banwaan kan Malilipot, Albay huli sa duwang magkaibang kaso.
Binisto ining si alyas “Roger”, may agom, warang trabaho asin residente kan kaparehong barangay.
Inarestar an akusado kan mga personahe kan Malilipot MPS sa kusog kan mandahamiento de aresto na inisyu ni Hon. Mateo Altajeros, Presiding Judge kan RTC Family Court, Branch 16, Valenzuela City na pirmado kan Pebrero 16, 2024 para sa kasong lascivious conduct sa irarom kan Section 5-B kan RA 7610 o pang-aabuso nin aki na may piyansang maabot sa PHP200,000.
Apwera kaini, saro pang warrant an sinirbi na inisyu ni Hon. Ramon Corazon Blanco, Presiding Judge kan RTC Branch 58, Angeles City na pirmado kan Hunyo 30, 2021 para sa kasong carnapping na may kasong PHP300,000.
Presente na ining nagtetenir sa nasambit na hepatura para sa magkakanigong disposisyon.