LEGAZPI CITY – Bagsak man sa karsel an sarong lalaki makalihis ining arestaron kan mga otoridad sa Brgy. Basud, banwaan kan Polangui, Albay huli sa kasong may kinaraman sa pangungulog nin kababaihan asin kaakian.
Binisto an akusadong si alyas Joseph, 40 anyos, may agom, taga 472 Uridad Street kan kaparehong barangay.
Dinakop ini sa kusog kan mandahamiento de aresto para sa nasambit na kaso.
Maabot man sa PHP72,000 na piyansa an inirekomendar kan korte para sa saiyang temporamenteng libertad.
Nasa kustodiya naman ini kan Polangui MPS para sa magkakanigong disposisyon.